"Home is wherever I'm with you..."

En so het ons laaste aand in Holland aangebreek... wat hierdie dan nou ook die laaste "Groetjes uit Holland" maak. Die jaar is in 'n oogwink verby en more oggend klim ons op die vliegtuig HUISTOE! Hoe sê hulle? "Time flies when you're having fun"! 'n Slotparagraaf met bittersoet trane oor 'n onvergeetlike jaar, ongelooflike huwelik, ontelbare oomblikke van geluk en reis en onthaal... Wat 'n seën om ons hoofstuk oorsee só af te sluit!

Die afgelope week was dit al die laastes... Saterdagaand was dit RSM se gala en dit was op die boonste verdieping van die Inntel Hotel in Rotterdam gehou met 'n pragtige uitsig oor die Erasmusbrug en die stad se liggies. Die aand was 'n reuse sukses met lekker kos en 'n oop internasionale kroeg en dit was interessant om die studente wat gewoonlik in jeans & truie is almal in hulle mooi-moois te sien!

RSM Gala

2 van Herrie se vriende wat die afgelope 3 maande op 'n uitruilskema in Spanje was het terug gekom vir die aand en dit was omtrent 'n reunie tussen Mitch (US), Jan (DE), Hertzog & Christos (GR) - die 4 kon nie genoeg kry van mekaar nie!

Guy love, not gay love...

Na afloop van die gala is omtrent 80% van die groep uit na een van die klubs waar ons al so 3 keer hierdie jaar was - 3 keer te veel! Dit is onder die grond so die ventilasie is maar sleg en almal rook binne (ja, daai wet word nog nie orals in Holland toegepas nie). Verder betaal mens 12 euro per persoon om in te gaan, heeltemal te veel vir drankies en 1 euro elke keer wat jy toilet toe gaan! Dis altyd propvol en die musiek is oorverdowend... maar dit was die klub van keuse omdat hy tot 06h00 oop bly en die feit dat amper al ons maats wat by die gala was saam met ons daar gekuier het, het dit die moeite werd gemaak.

VIP

Maandagaand was die laaste SNAC (boekklub) byeenkoms wat ek sou bywoon hier by ons huis en ons het so tussen die bokse deur gesit en kuier! Dit was lieflik om almal vir oulaas hier bymekaar te kom en ek is so dankbaar dat Meredith dit op die been gebring het en weer my liefde vir lees laat opvlam het. 

Dinsdagaand het ons saam met Hertzog se vriende gaan uiteet by Vapiano, een van ons gunsteling Italiaanse restaurante net hier om die draai van ons woonstel. 'n Ete by Vapiano is vinnig, lekker en goedkoop - wenresep! Hulle het glad nie kelners nie en as jy inkom kry elke persoon 'n kaart waarmee jy dan by verskillende toonbanke drankies, pasta, pizza, slaai of nagereg kan bestel en als wat jy bestel word op jou kaart gelaai. Jy kry 'n "buzzer" wat vibreer as jou kos gereed is wat jy dan weer by die toonbank oplaai en elke tafel het kruie plantjies waarmee jy jouself kan help. Wonderlike konsep! Na afloop van die ete het ons af in die straat gestap na 'n gesellige kroegie, Van Zanten, waar nog 2 palle by ons aangesluit het. Ek't gister weer besef hoe wonderlik dit is dat mense wat so verskillend grootgemaak is, met soveel verskillende verwysingsraamwerke en agtergrond sulke goeie vriende kan raak! Om ons tafel was 'n Egiptenaar, 3 Suid Afrikaners, 2 Hollanders, 2 Amerikaners, 'n Italianer, 'n Griek, 'n Indiër en 'n Marokkaan!

Vapiano!

Woensdagaand was dit tyd om van my maats en hul metgeselle afskeid te neem en ek het vir ons by 'n gesellige plekkie bespreek waar ek en Herrie graag gaan eet het hierdie jaar, De Hemel op Aarde. Daar is omtrent 10 tafels en die kroeg, kombuis en restaurant is alles in dieselfde vertrek. Van ons vriende hier sê dat hul nie van die atmosfeer hou nie want hulle probeer letterlik "De Hemel op Aarde" uitbeeld met die dekor! Anders as Vapiano kan etes hier ure lank uitgerek word want dis alles klein porsies so ons bestel gewoonlik sommer 'n klomp goed wat almal om die tafel deel... heerlik!

De Hemel op Aarde!

Na ete het ons by Concordia - 'n gunsteling kroeg van die MBA 2012 groep - 'n bier gaan drink en omtrent 70% van Hertzog se klas daar gekry wat almal hulle laaste week in Rotterdam gevier het.

Concordia

Vanaand het ek en Herrie vir oulaas Rotterdam ingeneem en terug gekyk oor die fantastiese tye wat ons hierdie jaar beleef het! Ons was so geseënd hier en is so dankbaar oor al die geleenthede wat oor ons pad gekom het. Dit was verseker die lekkerste tyd van ons lewens sover... 

Wat gaan ons mis van hierdie plek? Treinry. Fietsry. Stap waar jy wil kom. Ons pragtige uitsig. Picknick. Vars vis by die mark. Bitterballen. Poffertjes. Gezellige kroegen. Ijssalon. SNAC. De Hemel op Aarde. Verskeidenheid in die winkels. My honde. Vapiano. Die kersstemming wat jy orals aanvoel. Ikea. Ou goed, met jare se geskiedenis... 

En laaste maar nie die minste nie, ons vriende! Hierdie (en al die ander gesiggies wat al ooit op my blog was) het gesorg vir fantastiese tye hierdie jaar.

Thanks guys & girls, amazing memories!

Nou lê 'n nuwe jaar, in 'n nuwe stad, met nuwe uitdagings, vriendskappe en drome voor... 'n Nuwe plekkie om HUIS te noem! Herrie, dankie vir 'n fantastiese jaar! Ek sien vreeslik uit na wat die nuwe fase in ons lewens vir ons inhou en al is ek hartseer om uit Rotterdam te trek is dit 'n groot troos dat my beste maatjie saam trek :-)

Ek groet julle met 'n video van ons hoogtepunte in die jaar wat verby is, op een van my nuwe gunsteling liedjies, Home van Edward Sharpe and The Magnetic Zeros.

Home

Alabama, Arkansas, I do love my Ma & Pa

Not the way that I do love you

Holy Moley, Me-oh-My, you're the apple of my eye

Girl, I’ve never loved one like you

Man, oh man, you’re my best friend, 

I scream it to the nothingness

There ain’t nothin’ that I need

Well, hot & heavy, pumpkin pie, 

chocolate candy, Jesus Christ

There ain’t nothin’ please me more than you

Ahh, Home

Let me come Home

Home is wherever I’m with you (2x)

La la la la, take me Home

Baby, I’m coming Home

I’ll follow you into the park, 

through the jungle, through the dark

Girl, I’ve never loved one like you

Moats & boats & waterfalls, 

alley ways & pay phone calls

I’ve been everywhere with you

That’s true

We laugh until we think we’ll die, 

barefoot on a summer night

Nothin’ new is sweeter than with you

And in the streets we're running 

free like i's only you and mee

Geez, you’re somethin' to see.

Ahh, Home

Let me come Home

Home is whenever I’m with you

Ahh, Home

Let me come Home

Home is when I’m alone with you 

x