Ons was die laaste ruk so gelukkig om nie 1,2,3 of 4 nie maar 5 Suid Afrikaanse gaste te kry!
Eers het Elouna & Vic en Tiaan uit Switzerland kom kuier vir 'n langnaweek.
Die foto wat elke toeris in Holland móét neem :-)
Dis so toevallig, ek & Tiaan is vriende van skool af, en ek & Elouna was saam in Vergeet-My-Nie op die PUK, maar die 2 het mekaar eers in Augustus hierdie jaar in Zurich ontmoet omdat Vic & Tiaan nou saam werk. Toe ek agterkom dat die 3 mekaar nou ken, en almal van Switzerland vir 'n naweek in Rotterdam wil kom speel, het ek voorgestel dat hulle sommer op dieselfde vliegtuig klim - "the more, the merrier"!
Ek en Hertzog het Donderdagaand na Amsterdam gegaan om die 3 te ontmoet waar ons heerlik gesmul het aan 'n Nederlandse koloniale dis, "Rijstafel" by Tempo Doeloe! {Net gou op hierdie noot, Vic het sy vriend William wat nuut is in Amsterdam saam genooi vir ete... Tiaan het sy vriend Bertus saam genooi wat ook in Amsterdam woon... Tydens die ete vind ons uit dat William en Bertus 'n woonstel deel! Kleeeeiiin wêreld!} Die "rijstafel" bestaan uit vele (veertig is nie 'n ongewone getal nie) Indonesiese geregte wat in klein porsies bedien word, vergesel deur rys wat op verskeie maniere voorberei is. Die Hollanders is nogals lief vir hul Indonesiese kos en ons is al telke male aangeraai om die "rijstafel" te probeer so ek was baie opgewonde toe die geleentheid hom voordoen!
Rijstafel by Tempo Doeloe, Amsterdam
'n Ander eerste vir ons was Door 74 waar ons 'n bespreking vir 22h30 gehad het... Dis 'n kroeg, gebaseer op die "speakeasy" konsep, waar die plek na niks van die straat af lyk nie en mens moet vooraf 'n afspraak maak om daar te kuier... Dit het vir my baie interessant geklink en die website het my oortuig om vir ons 'n bespreking te maak!
Moeilik om te glo dat daar 'n kroeg agter hierdie mure wegkruip!
Eintlik moet mens geen resensie of terugvoer oor Door 74 skryf nie omdat jy dan die konsep beledig... Ek gaan dus ook net 'n paar sleutelwoorde agterlaat en jou aanmoedig om dit self te ervaar as jy weer in Amsterdam kom! Opwindende ingang. dames & here. speak easy. mooi. sterk. cocktails. klein. sjarmant. beroemd. Geniet!
William, Vic, Elouna, Tiaan en ons by Door 74!
Oppad terug stasie toe het ons 'n draai deur die rooiligdistrik gestap en toe 'n uur vir ons trein gewag as gevolg van 'n vertraging, wat natuurlik heel vreemd vir ons gaste was wat aan die Swiss se stiptelikheid gewoond geraak het! Net voor 04h00 was ons terug in Rotterdam!
Stille water, diepe grond...
Vrydag terwyl Herrie moes skool gaan het ek vir Tiaan en die Strause gaan wys wat Delft so spesiaal maak! Ek't al baie op die blog oor Delft geskryf, so vandag laat ek dit aan die foto's oor:
Delft!
Ek en Tiaan het ook 2 van die kerke in Delft besoek, die Oude Kerk en die Nieuwe kerk :-) wat ek nog nie vantevore gedoen het nie. Die Oude Kerk se mees kenmerkende eienskap is 'n 75 meter hoë steentoring wat omtrent 2 meter skeuf leun! Die eerste stene is in 1246 gelê en tydens die bouperiode al was die fondamente nie sterk genoeg om die gebou te ondersteun nie, en het die kerk begin leun. Soos wat hulle voortgegaan het met die bouery, het hulle probeer om op elke vlak van die toring te vergoed vir die skeuwe helling, maar tot vandag toe is slegs die 4 torings aan die bokant werklik vertikaal.
Die Oude Kerk het 3 orrels en 'n reuse klok van amper 9 ton wat slegs gelui word wanneer lede van die Nederlandse Koninklike Familie in die Nieuwe Kerk begrawe word, of tydens rampe. 400 Mense is in die Oude Kerk begrawe, onder andere Johannes Vermeer.
Daar is in 1396 aan die Nieuwe Kerk begin bou en die kertoring is die tweede hoogste in Nederland (hoogste is die Domtoren in Utrecht). Die Nederlandse Koninklike Familie word almal in die Nieuwe Kerk begrawe en daar is orals grafte wat "Prins van Oranje" lees. Die kerktoring is oop vir besoekers en ek en Tiaan het die 376 styl trappies na bo geklim - en hy't gelag toe ek vooraf vra of hy fiks is! Die uitsig van bo het die klim die moeite werd gemaak!
Terug by ons woonstel het ons vinnig op die dakterras gaan kyk hoe die dag in nag verander en het toegelaat dat Rotterdam se liggies ons bekoor...
Met ons batterye herlaai was dit tyd om die winkels in te vaar want Vrydagaand is "koopavond" in Rotterdam so die winkels bly tot 21h00 oop en vir hierdie 3 wat aan Zurich se pryse gewoond geraak het, is als in Holland spotgoedkoop. Dit was vir my so lekker om maats te hê wat ook aan als wil vat en die mooi in die winkels kan waardeer... Herrie sê altyd hy kan nie verstaan hoekom die voorste item van elke ry in die vroue afdelings nie 'n bruinstreep op die mou af het nie, want ek voel aan als! Ek't sommer weer besef hoe gelukkig ons is met al die opsies wat Rotterdam in terme van inkopies bied... reg op ons voorstoep. Na ete het ons ietsie gaan drink op die besige Binnenrotte en Elouna sê die stemming herinner haar aan Menlyn Square: Baie mense buite en 'n gedruis in "Afrikaans" :-)
Saterdagoggend het Hertzog ons gaste aan een van my gunsteling kafees in Rotterdam gaan voorstel, Picknick, terwyl ek vir Madel by die stasie gaan haal het. Sy was in Holland vir 'n werksding en het Saterdag en Sondag saam met ons gekuier, wat beteken ons woonstel het sy volle kapasiteit bereik - ek is MAL oor 'n vol huis!
Saterdag = Markdag en ons het gou paar goedjies vir aandete gaan oppik en was verstom oor die grootte van vrugte hierdie tyd van die jaar! Die voordeel van 'n hawestad is dat alles wat ingevoer word eers deur Rotterdam na die res van Europa versprei word. Ons het kaas en stroopwafels en vars gestoomde mossels geëet (interessante kombinasie ja maar nee ons het nie naar geraak nie)! Ons het ook tussen die antieke goed gesnuffel en die "find" van die dag - en waarskynlik die jaar - was Madel se reuse leer koffer (met wieletjies) vir die ongelooflike prys van 55 euro! Dankie aan Elouna vir jou onderhandeling van die prys :-)
Herrie het vir ons 'n kar gehuur en ons is laatmiddag Kinderdijk toe, julle weet mos nog, daai UNESCO site met die windmeule waarvan ek al so baie op die blog vertel het. Hierdie was wat ek gedink het ons laaste besoek gaan wees, maar ek was so bly toe ons nog 'n besoeker later in die maand kry wat dit ook wou sien want dis elke keer so spesiaal... die atmosfeer daar is wonderlik! Toe ons hierdie keer daar was saam met Madel, Elouna, Vic en Tiaan, was dit reeds skemer en ons het die vreemdste ding gesien: honderde, nee moontlik duisende voëltjies het in swerms oor ons koppe gevlieg en op die horison verdwyn. Daar was so baie, dat dit klink soos reën soos hulle hier om jou blêrts as hulle oor jou kop vlieg en natuurlik het een my voorkop getref :-)
Die swart strepe op die foto's hieronder wat lyk soos klomp muggies, is voëls!
Saterdagaand het ons lekker vars salm van die mark gaar gemaak en tot laat om die tafel gesit met 'n bottel KWV 10 jaar wat my Pa nog in Mei vir ons saamgebring het, en heelwat later het ons begin melktertjies drink... "old habits die hard" :-)
Sondag was nog 'n Rotterdam-dag en nadat ons vir Madel by die stasie afgesien het is ons na Hotel New York, toe terug met 'n watertaxi en het die middag Suid Afrika in Rotterdam ervaar met lekker boerekos soos jou Ouma dit gemaak het: skaapboud, boontjies, soetwortels, gebakte aartappels... Ons het die naweek afgesluit met 'n koffie verkeerd en 'n biertje in 'n tipiese Hollandse kroegie en is vroeg bed toe sodat die 3 kan betyds wees vir hul trein wat 04h00 Maandagoggend van Rotterdam Centraal na Schiphol vertrek het. Ah, lekker tye julle, dankie vir die kuier!
En net toe ek begin leë-nes-sindroom kry, bel Jeanne-Louise - 'n ou maatjie van die PUK wat saam met my geswot het - om te sê dat sy in Holland kuier en graag by ons wil slaap vir 'n aand. Haar eerste oggend hier het sy net 1 plek gesien: die binnekant van Picknick! Ons het direk van die stasie af soontoe gegaan en het vir amper 5 ure "non-stop" gesels!
Die middag het ons Rotterdam verken en was onder andere by die Cube huisies waar ons 'n toer van die "Kijk Kubus" gedoen het. Van die Cubes in Rotterdam het ek ook al baie geskryf, dis daai geel vierkantige blokkies wat lyk of hulle op hul kante gedraai is... Die interessantheid daarvan is dat mense daarbinne woon en dis nogals oulik om te sien hoe dit ingerig is. Daar is 3 vloere en die woonstel bestaan uit 'n slaapkamer, studeerkamer, kombuis, leefarea, sonvertrek in die dak, badkamer en toilet heel onder. Ek't probeer om dit met die onderstaande foto's te verduidelik:
Tydens Jeanne-Louise se vinnige besoek het ons ook by Hotel New York, Seth vir poffertjes en Kinderdijk 'n draai gaan maak. Dit was aansienlik kouer by die windmeule as toe ons 'n week gelede saam met die ander daar was, maar weereens was dit 'n besonderse ervaring so tussen die mis deur...
Dankie vir die inloer JL, dit is wat ek daarvan dink ---->
Ek skryf na die naweek weer van hierdie ongelooflike stad wat ek en Herrie so gelukkig was om vir 'n jaar lank HUIS te noem...
x
Oude Kerk, Delft
Nieuwe Kerk en uitsig oor Delft vanuit die kerktoring
Terug by ons woonstel het ons vinnig op die dakterras gaan kyk hoe die dag in nag verander en het toegelaat dat Rotterdam se liggies ons bekoor...
Sjoe, ons gaan hierdie prentjie mis...
Met ons batterye herlaai was dit tyd om die winkels in te vaar want Vrydagaand is "koopavond" in Rotterdam so die winkels bly tot 21h00 oop en vir hierdie 3 wat aan Zurich se pryse gewoond geraak het, is als in Holland spotgoedkoop. Dit was vir my so lekker om maats te hê wat ook aan als wil vat en die mooi in die winkels kan waardeer... Herrie sê altyd hy kan nie verstaan hoekom die voorste item van elke ry in die vroue afdelings nie 'n bruinstreep op die mou af het nie, want ek voel aan als! Ek't sommer weer besef hoe gelukkig ons is met al die opsies wat Rotterdam in terme van inkopies bied... reg op ons voorstoep. Na ete het ons ietsie gaan drink op die besige Binnenrotte en Elouna sê die stemming herinner haar aan Menlyn Square: Baie mense buite en 'n gedruis in "Afrikaans" :-)
Suksesvolle uitstappie!
Saterdagoggend het Hertzog ons gaste aan een van my gunsteling kafees in Rotterdam gaan voorstel, Picknick, terwyl ek vir Madel by die stasie gaan haal het. Sy was in Holland vir 'n werksding en het Saterdag en Sondag saam met ons gekuier, wat beteken ons woonstel het sy volle kapasiteit bereik - ek is MAL oor 'n vol huis!
Handdoek admin :-)
Saterdag = Markdag en ons het gou paar goedjies vir aandete gaan oppik en was verstom oor die grootte van vrugte hierdie tyd van die jaar! Die voordeel van 'n hawestad is dat alles wat ingevoer word eers deur Rotterdam na die res van Europa versprei word. Ons het kaas en stroopwafels en vars gestoomde mossels geëet (interessante kombinasie ja maar nee ons het nie naar geraak nie)! Ons het ook tussen die antieke goed gesnuffel en die "find" van die dag - en waarskynlik die jaar - was Madel se reuse leer koffer (met wieletjies) vir die ongelooflike prys van 55 euro! Dankie aan Elouna vir jou onderhandeling van die prys :-)
Mark by Binnenrotte
Herrie het vir ons 'n kar gehuur en ons is laatmiddag Kinderdijk toe, julle weet mos nog, daai UNESCO site met die windmeule waarvan ek al so baie op die blog vertel het. Hierdie was wat ek gedink het ons laaste besoek gaan wees, maar ek was so bly toe ons nog 'n besoeker later in die maand kry wat dit ook wou sien want dis elke keer so spesiaal... die atmosfeer daar is wonderlik! Toe ons hierdie keer daar was saam met Madel, Elouna, Vic en Tiaan, was dit reeds skemer en ons het die vreemdste ding gesien: honderde, nee moontlik duisende voëltjies het in swerms oor ons koppe gevlieg en op die horison verdwyn. Daar was so baie, dat dit klink soos reën soos hulle hier om jou blêrts as hulle oor jou kop vlieg en natuurlik het een my voorkop getref :-)
Die swart strepe op die foto's hieronder wat lyk soos klomp muggies, is voëls!
Voëltjies by Kinderdijk
En dit het aand geword en dit was die einde van hul 3de dag...
Saterdagaand het ons lekker vars salm van die mark gaar gemaak en tot laat om die tafel gesit met 'n bottel KWV 10 jaar wat my Pa nog in Mei vir ons saamgebring het, en heelwat later het ons begin melktertjies drink... "old habits die hard" :-)
Sondag was nog 'n Rotterdam-dag en nadat ons vir Madel by die stasie afgesien het is ons na Hotel New York, toe terug met 'n watertaxi en het die middag Suid Afrika in Rotterdam ervaar met lekker boerekos soos jou Ouma dit gemaak het: skaapboud, boontjies, soetwortels, gebakte aartappels... Ons het die naweek afgesluit met 'n koffie verkeerd en 'n biertje in 'n tipiese Hollandse kroegie en is vroeg bed toe sodat die 3 kan betyds wees vir hul trein wat 04h00 Maandagoggend van Rotterdam Centraal na Schiphol vertrek het. Ah, lekker tye julle, dankie vir die kuier!
Hotel New York
En net toe ek begin leë-nes-sindroom kry, bel Jeanne-Louise - 'n ou maatjie van die PUK wat saam met my geswot het - om te sê dat sy in Holland kuier en graag by ons wil slaap vir 'n aand. Haar eerste oggend hier het sy net 1 plek gesien: die binnekant van Picknick! Ons het direk van die stasie af soontoe gegaan en het vir amper 5 ure "non-stop" gesels!
Die middag het ons Rotterdam verken en was onder andere by die Cube huisies waar ons 'n toer van die "Kijk Kubus" gedoen het. Van die Cubes in Rotterdam het ek ook al baie geskryf, dis daai geel vierkantige blokkies wat lyk of hulle op hul kante gedraai is... Die interessantheid daarvan is dat mense daarbinne woon en dis nogals oulik om te sien hoe dit ingerig is. Daar is 3 vloere en die woonstel bestaan uit 'n slaapkamer, studeerkamer, kombuis, leefarea, sonvertrek in die dak, badkamer en toilet heel onder. Ek't probeer om dit met die onderstaande foto's te verduidelik:
Binne die Kijk Kubus, Rotterdam
Tydens Jeanne-Louise se vinnige besoek het ons ook by Hotel New York, Seth vir poffertjes en Kinderdijk 'n draai gaan maak. Dit was aansienlik kouer by die windmeule as toe ons 'n week gelede saam met die ander daar was, maar weereens was dit 'n besonderse ervaring so tussen die mis deur...
Kinderdijk vir oulaas... regtig nou!
Dankie vir die inloer JL, dit is wat ek daarvan dink ---->Anél & JL by HNY
Ek skryf na die naweek weer van hierdie ongelooflike stad wat ek en Herrie so gelukkig was om vir 'n jaar lank HUIS te noem...
x
like like like
ReplyDeleteAh! Now I've seen one of the cubes from the inside! Another tick of the list! ;)
ReplyDeleteHey pellin, laat jy my nou terugdink aan 'n smullekker rijstafel wat ek in 2008 in Maastricht geeet het - bom lekker :-)
ReplyDeleteEk eintlik opsoek tips vir Rome, maar ai hoe lekker was hierdie naweek nie gewees nie. Goeie tye! Sommer nostalgies nou.
ReplyDelete